Филиалдары 14 өңір мен 17 қалада: Елімізде тағы бір қаржы пирамидасы әшкере болды

16.06.2020, 14:10 kaz.nur.kz

Павлодар облысы бойынша Экономикалық тергеу департаменті қызметкерлері еліміздің 14 аймағы мен 17 қаласында филиалы бар қаржы пирамидасы қызметінің жолын кесті деп хабарлайды KAZ.NUR.KZ порталы Қаржы министрлігінің Қаржы мониторингі комитетіне сілтеме жасап. Ведомство мәліметінше, ұйым 2019 жылдың қазан айынан бастап жұмыс істеп келген және елімізде 22 өкілдігі бар. Олардың қызметі жайлы да айтылды. Яғни ұйым бағалы мүлікті сатып алғысы келетін азаматтарға 180 мың теңге көлемінде кіру жарнасын төлеу, содан кейін ай сайын 50 мың теңгеден 10 ай бойына төлем жасауды ұсынған. Салынған 180 мың теңгенің 100 мың теңгесі клиенттің шотында қалса, 80 мың теңге арнайы құрылған шотқа аударылып отырған.