Ұлытаудағы колонияға көкөніс салынған сөмкелермен 34 телефон алып өтпек болған

08.09.2024, 06:06 ktk.kz

№ 62 мекеме қызметкерлері сотталғандардың пайдалануына тыйым салынған заттарды жеткізу әрекетін тоқтатты.

Азық-түлік өнімдерін тиеу кезінде «Газель» көлігі тексерілді. Сәбіз салынған қаптардың бірінде төрт қара түсті пластик «сәлемдеме» жасырылған. Ашқан кезде 34 ұялы телефон, 11 құлаққап, 3 флэш-карта және 30 SIM картасы табылды.

Осы факті бойынша Жезқазған полиция басқармасының тергеу-жедел тобы шақырылды.

«Қазіргі уақытта тыйым салынған заттарды жеткізушінің мекенжайын анықтау мақсатында жедел іздестіру шаралары жүргізіліп жатыр», - деп хабарлады Қарағанды облысы және Ұлытау облысы бойынша Қылмыстық іздестіру департаментінің баспасөз қызметі.

ҚР ӘҚБтК-нің 481-бабына сәйкес қылмыстық-атқару жүйесі мекемелерінде, арнаулы мекемелерде, алкогольдік ішімдік, дәрілік және басқа да заттарды, тыйым салынған ақша, азық-түлікті тексерістен жасырып беру немесе кез келген тәсілмен беруге тырысу әкімшілік құқық бұзушылық жасау құралы не нысанасы саналатын затты тәркілей отырып, он айлық есептік көрсеткіш мөлшерінде ескерту немесе айыппұл салуға әкеп соғады.

Дереккөз: Kazinform

Бізді Youtubе-та қараңыз!Бізді Facebook-та, Instagram-да, Telegram-да оқыңыз!