Қостанай облысындағы диірменде төрт жұмысшы қаза тапты

07.10.2024, 11:16 ktk.kz

Төрт адамның биіктіктен құлағаны хабарланды. Қайғылы оқиға 6 қазанда болған. 112 пультіне Қостанай облысының Рудный қаласында 5 метр тереңдіктегі бункерді тазалау жұмыстарын жүргізу кезінде 4 адам төмен түсіп, су бетіне шықпай жатқаны туралы хабарлама түсті.

- Оқиға орнына төтенше жағдайлар қызметі, полиция және жедел медициналық жәрдем қызметі келді. Құтқарушылар жұмысшылардың денелерін бункерден шығарды. Жедел жәрдем қызметкерлері қайтыс болғанын растады. Оқиғаның мән-жайы анықталып жатыр, деп хабарлады Қостанай облысының Төтенше жағдайлар департаменті.

Бұл фактіні прокуратура растап, полиция тергеу жүргізіп жатқанын айтты.

Дереккөз: kazinform

Бізді Youtubе-та қараңыз!Бізді Facebook-та, Instagram-да, Telegram-да оқыңыз!