Балық аулауға кеткен азаматтың мәйіті табылды

10.10.2024, 07:19 kaz.365info.kz

Қостанай облысы Төтенше жағдайлар департаментінің Instagram-дағы парақшасында 28 қыркүйекте жоғалған Лисаков тұрғынын іздеу аяқталғаны хабарланды. Ол балық аулауға шығып, содан кейін отбасымен байланысқа шықпаған. Төтенше жағдайлар департаменті өкілдерінің мәліметтерінше, ер адамның денесі Б. Майлин ауданындағы Тобыл өзенінің жағасынан 250 метр қашықтықта судан табылған. Құтқарушылар денені судан шығарды. Ведомствода 10 күн бойы іздеу жұмыстары Б.Майлин ауданы мен Лисаковск қаласындағы Тобыл өзенінің жағалау сызығында және су астында жүргізілген. Полиция мен құтқарушыларға тұрғындар көмектесті.