Қостанай облысындағы жантүршігерлік апаттан үш мұғалім қаза тапты

18.12.2024, 13:03 kaz.365info.kz

Қостанай облысы Қарасу ауданының аумағында болған жантүршігерлік апатта үш адам қаза тапты. Олардың барлығы ауыл мектептерінің педагогтары болған. 35 жастағы Карина Лаврик Заречный ауылының мектеп-лицейінде орыс тілі мен әдебиетінен сабақ берген. 48 жастағы Луиза Ташаева Чураков жалпы білім беретін мектебінде педагог-психолог болып жұмыс істеген екен. Екеуі де бұрын Октябрьский жалпы білім беретін мектебінде жұмыс істеген. «Жаны да өздері де сұлу әйелдер өмірден кетті. Олар өте мейірімді, керемет, сауатты мұғалімдер болатын. Әріптестері мен оқушылары арасында үлкен беделге ие болды. Олар жұмыс пен істің шеберлері, жанып тұрған бастамашыл, ұмтылысы мен құлшынысы мол жандар еді. Октябрьское ауылының білім беру мекемесі атынан отбасы мүшелеріне көңіл айтамыз», – делінген мектеп ұжымының көңіл айту хабарламасында. Қаза тапқандардың арасында 22 жастағы Алина Абрамова – Қостанай педагогикалық колледжін бітіргеннен кейін ол ЖОО-ға сырттай түсіп, «Әйгерім Ай» гуманитарлық бейімділікпен жеке мектепте жұмыс істеген. «Бүгін біздің ұжым терең қайғыға батты. Арамыздағы керемет адам, тамаша ұстазымыздан айырылып отырмыз. Алина бізде үш жыл ғана жұмыс істесе де, мұғалім ретінде көп жұмыс атқарып кетті. Оны ұжымда құрметтеді, балалар мен ата-аналар жақсы көрді. Ол бейнелеу өнері мұғалімі ретінде балалармен де, ата-аналармен де жұмыс істей алатын. Ол талантты балаларды анықтап, ата-аналарға өз оқушыларын жетістікке жеткізе алатынына сендіре алатын», – дейді білім беру мекемесінің басшысы Құралай Шодорова. Зардап шеккендердің арасында 11 жасар бала мен оның анасы да бар. Баланың аяқтары жоғарғы және төменгі жағынан сынып, жарақаттанған. Баланың анасының да жарақаты ауыр.