Еліміздің үш қаласында ауа сапасы нашарлайды

29.09.2020, 06:51 baq.kz

Нұр-Сұлтан, BAQ.KZ. Қазгидромет 29 қыркүйек күні Қазақстанның үш қаласында ауа сапасы нашарлауы мүмкін екенін хабарлады. Синоптиктердің мәліметінше, сейсенбі күні еліміздің үш қаласында - Ақтөбе, Нұр-Сұлтан және Балқашта қолайсыз метеорологиялық жағдай қалыптасып, ауа ластануы мүмкін. Өзге шаһарларда метеоахуал - бірқалыпты. Қолайсыз метеорологиялық жағдай - атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы. ҚМЖ жағдайында елді мекендердегі атмосфералық ауаның сапасы нашарлауы ықтимал.