Қытайда атақты адамдарға әлеуметтік желіде өз байлығымен мақтануға тыйым салынды

25.11.2021, 06:43 kursiv.kz

Қытай интернетте танымал тұлғалар таратқан ақпаратты қадағалауды күшейтеді. Сондай-ақ олар өздерінің фан-клубтары интернетте танымал адамдар туралы не жазатынын бақылайтын болады.Бұл туралы ВВС сайты хабарлады. Қытайдың киберкеңістік басқармасы бұл шаралар оң және дұрыс интернет ортасын құруға бағытталғанын айтты. Реттеушінің айтуынша, жұлдыздар туралы өсек тарату және оларға шамадан тыс көңіл бөлу Қытай қоғамының дәстүрлі құндылықтарына нұқсан келтіреді. Ведомство қызметкерлері қоғам пікіріне ықпал ететін ең танымал тұлғалардың жеке парақшаларын ғана емес, сонымен қатар бұл жұлдыздар туралы ақпарат жарияланған сайттарды, соның ішінде олардың қатысуымен жарнамаларды да қадағалайтын болады.