Біздің веб-сайт шолу тәжірибеңізді қамтамасыз ету үшін cookie файлдарын пайдаланады және тиісті ақпарат. Біздің веб-сайтты пайдалануды жалғастырмас бұрын, сіз Cookie саясатымен және құпиялылығымен келісесіз және қабылдайсыз. cookie файлдары және құпиялылық.

Собчак Қазақстандағы "ұят" ұғымын сынға алды

newsroom.kz

Собчак Қазақстандағы ұят ұғымын сынға алды

Ресейлік журналист Ксения Собчак өз парақшасында қазақстандық әйелдерге тән ерекшелік – прогрессивтілік, яғни дамуға ұмтылыс екені айтты,- деп хабарлайды newsroom.kz порталы.

Әйелін ұрып өлтірді деп айыпталған Бишімбаевтың ісі бойынша сот отырысына қатысқан ресейлік журналист Ксения Собчак Қазақстандағы іссапарынан алған әсерлері және қазақстандық әйелдер туралы пікірімен бөлісті.

“Мен Қазақстанға жиі барамын және бұл елді жақсы көремін. Мұнда достарым көп, кейде іс-шаралар мен тойларды осында жүргіземін. Біртүрлі құбылысты бірінші рет байқап отырған жоқпын.

Бір жағынан, қазақ әйелдерінің басым бөлігі өте озық, олар еңбекқор, өр мінезді, тәуелсіз, бәріне өзі қол жеткізгісі келеді, эмансипацияға, тәуелсіздікке, теңдікке ұмтылады. Оның үстіне салауатты феминизм, әйелдік қолдау, әпкелік, құрбылық қолдау мен түсінісу бар. Мен ондай әйелдерді жеке танимын, кейбірімен доспын, оларды қатты құрметтеймін. Бірақ елде "ұят" деген ұғым бар және ол қоғамдық айыптауда байқалады. Және әйел консервативті нормалардан аса бастаса, оны осы арқылы ұялтады. Қысқа белдемшемен шықтың ба? Ұят. Бірнеше жігіт көзін салды ма? Ұят. Күйеуің ұрса да, ажырастың ба? Ұят. Әрине, бұл моральдық зорлық-зомбылыққа ұшыраған әйелдерге қосымша қысым жасайды”, – деп жазды ол.

Ксения Собчак марқұм Салтанат Нүкенованың сот ісі барысында қызық оқиғалардың болып жатқанын айтты.

“Бұрын халықтың консервативті бөлігі әйелдерге “үндеме”, “шыда”, “үйдегі ұрысты сыртқа шығарма” деп айтатын. Енді қазақ бойжеткендер бірігіп, тирандарға қарсы шықты да, арнайы заңның қабылдануына да қол жеткізді.

Қазір Қазақстанда Салтанат ісі аясында өте қызық оқиғалар болып жатыр. Бәлкім, біз тыныш революцияның бір түрін көріп жатқан шығармыз. Азаматтық қоғамның жеңісі”, – деді журналист.

Бұған дейін, Бишімбаевтың сот отырысында көріпкелдің онлайн қатысқандығы жөнінде жазған болатынбыз.

  • Соңғы
Басқа жаңалықтар

Күнделікті жаңалықтар

Бүгін,
23 маусым 2024