Гүлзира Айдарбекова: Келінге бүкіл жағдайды жасамау керек

26.07.2024, 08:06 kaz.365info.kz

Әнші Қайрат Нұртастың анасы келін мен ененің арасындағы байланыс туралы білген-түйгенін айтып берді. Бұл туралы танымал продюсер тележурналист Айнұр Асанбердінің ютуб каналына берген сұхбатында айтты. Ол тіпті келіндерімен қарым-қатынасында қандай кемшіліктер жібергенін жасырған жоқ. «Әрқайсысының өзінің жақсы жері бар, кемшіліктері де бар. Ене болған соң соқыр бола саласың, керең бола саласың. Тіптен жаманы жоқ енді, Құдайға шүкір. Өзінің үйінде қалай тәрбиеленсе отбасына келгенде соны көрсетеді деп ойлаймын. Біз енді шынымды айтсам, зияным жоқ та, өйткені холодильниктерін толтырып қоямыз. Ет керек пе, бүкіл азық-түлікті толтырып қоямыз. Бүкіл төленетін, бүкіл коммуналкасын төлеп, машиналарының бәрін ремонттап, майын құйып деген сияқты бәрін жасап қоямыз. Негізі біздің де дұрыс емес жеріміз көп. Бүкіл удобствоны жасамау керек екен. Өздеріне тапсыру керек та. Менің де кемшілік жерім көп. Қашан көрсең шашым жалбырап, базар бар ма, дүкен бар ма, жүгіріп жүремін. Қонақтардың сыйлығы, продуктысы деп та. Соған үйреніп қалады екен да», – деді Гүлзира Айдарбекова.