Конькимен жүгіруден әлем кубогында Роман Креч жүлдегер атанды

24.01.2021, 20:59 24.kz

Конькимен жүгіруден Қазақстан құрамасының мүшесі Роман Креч Херенвендегі (Нидерланд) әлем кубогы кезеңінде үшінші орын алды, деп хабарлайды ҰОК сайты.Спортшы «В» тобында сынға түскен еді. Ол 1000 метрге жарысудан кіші қола медальға ие болды. Бірінші орынды польшалық Петр Мичальски иеленсе, екінші орынға эстониялық Мартен Лиив жайғасты. Қазақстандықтар Демьян Гаврилов пен Александр Кленко тиісінше, бесінші және алтыншы орындарды місе тұтты.