Мұғалжардағы алтын кеніш жұмысшылары ереуілін тоқтатты

13.01.2021, 15:20 azattyq.org

Мұғалжардың алтын кенішіндегі ереуілден соң жұмысшылар жалақысы 25 пайызға көбейетін болды. Бұл туралы Азаттыққа AltynEx компаниясы хабарлады."12 қаңтар күні жұмысшылармен келіссөз жүргізіліп, жалақыларын қаңтар айынан бастап 25 пайызға көбейту туралы шешім қабылданды. Одан бөлек, кеніш жұмысшыларының еңбек жағдайын жақсартуға байланысты бірнеше мәселе шешімін тапты" делінген AltynEx компаниясының хабарламасында.Алтын өндіретін "Юбилейное" кенішінің жұмысшылары да тараптардың мәмілеге келгенін растап отыр. Олардың сөзінше, жалақы дауына байланысты келіссөз екі сағатқа созылған. "Бәрі дұрыс. Шахтаға қайта түстік" деді аты-жөнін айтқысы келмеген жұмысшылардың бірі 13 қаңтарда Азаттық тілшісі