Нұр-Сұлтан соты блогер Айгүл Өтепованың бостандығын бір жылға шектеді

30.04.2021, 11:54 azattyq.org

29 сәуірде Нұр-Сұлтан қаласының №2 соты "Facebook желісіндегі жазбалары үшін тыйым салынған ұйымның жұмысына қатысты" деп айыпталған тәуелсіз журналист, блогер Айгүл Өтепованың бас бостандығын бір жылға шектеді. Сот онлайн режимде өтті. Оған айыптау тарабынан прокурор Расул Ахат қатысты. Судья Ибрагим Әлкеновтің мәлімдеуінше, Айгүл Өтеповаға қатысты ұсынылған материалдарда оның Қазақстанда тыйым салынған ұйымның жұмысына қатысы бары анықталғандықтан сот оның кінәсі толық дәлелденді деп санайды.