Иранның рухани көсемі Аятолланың жиені тұтқындалды

28.11.2022, 06:56 alashainasy.kz

Иранның рухани көсемі Аятолла Әлі Хаменеидің жиені Фарида Мұратхан әлем қауымдастығын ел үкіметімен барлық байланыстарды үзуге шақырғаннан кейін қамауға алынды, - деп хабарлайды Alashainasy.kz. Бұл жайында islam.kz тілшісі Reuters ақпарат көзіне сілтеме жасап жазды. Ағасы Махмұд қарындасының қараша айының 23-і күні сот шешіміне сәйкес прокуратураға жүгінген кезде қамауға алынғанын жеткізді, ол, сондай-ақ, аятолла жиенінің бейне үндеуін жариялады, онда ол халықаралық қауымдастықты Шиғалар елімен байланыстарды үзуге және күллі Иранды шарпыған наразылықтар кезінде кез келген, соның ішінде саяси әрі экономикалық қарым-қатынасты тоқтатуға және шетелдегі Иран елшіліктерін қууға үндеген. Құқық қорғау ұйымдарының хабарлауынша, оны қамауға алғаннан кейін Иран қауіпсіздік қызметі Фариданың үйін тінтіп, оның кейбір заттарын тәркілеген. Фарида мен Махмұд Мұратхан қазан айында қайтыс болған жоғарғы лидер Бадри Хұсейн Хаменеидің әпкесіне тұрмысқа шыққан діни қайраткер және ұзақ жылдар бойы оппозиция жетекшісі болған Әлі Теһранидің балалары. Иран аймақтарындағы наразылық шерулері қыркүйекте шариғат шәлісін талаптарға сай тақпады деп айыпталған 22 жастағы Мақса Амини қайтыс болғаннан кейін басталды. Қыз ауруханада қайтыс болды, оны полиция бөлімшесінен әкелген. Ресми билік оның ауырып қалғанын алға тартып ақталғанымен Мақсаның отбасы қыздың сау болғанын, оның денсаулығында ешқандай кінәрат болмағанын айтады. Тектес:

Толық оқыңыз…