Ақсай ауылдық округіне жаңа әкім сайланды

07.06.2023, 08:54 zhambylnews.kz

Мемлекет басшысы өз Жолдауларында ауыл әкімдерін сайлауға баса мән берген болатын. Бұл саяси реформаларға тың серпін береді деген еді. Аталған бағыт бойынша Жамбыл облысында да жұмыстар атқарылуда. Осы айда Жуалы ауданында ауыл тұрғындары өз әкімдеріне дауыс берді. – Әкімдер – биліктің әрбір елді мекендегі тікелей өкілі. Жұрт олардың қызметіне қарап бүкіл мемлекеттік басқару жүйесінің тиімділігін бағалайды. Сондықтан тиімді мемлекет және әділетті қоғам талаптарына сай болу үшін алдағы сайлауды дұрыс ұйымдастыру өте маңызды, – деген еді Мемлекет басшысы Қасым-Жомарт Тоқаев. Осы бағытта Жуалы ауданы Ақсай ауылының тұрғындары өз таңдауларын жасады. Нәтижесінде көпшіліктің қолдауымен Мәтен Мақсат Мейірбекұлы әкім болып сайланды.Мақсат Мейірбекұлы Жамбыл облысы, Жуалы ауданы Қайрат ауылында 1986 жылы 4 қарашада дүниеге келген. Ұлты – қазақ. Білімі-жоғары.2012 жылы Жамбыл гуманитарлық-техникалық университетін “Экономика” мамандығы бойынша тәмәмдаған.Еңбек жолын 2009 жылы ақпан айында Жуалы аудандық Әділет басқармасында Жастар тәжирбиесі бойынша қызметкер болып бастаған.08.10.2009-01.09.2010 жылдары Тараз қаласы «Жасыл Тараз» мекемесінің механигі.2010-2012 жылдары Жамбыл облысы халыққа қызмет көрсету орталығы Жуалы аудандық филиалы Операция залы бастығының орынбасары.2012-2014 жылдары Халыққа қызмет көрсету орталығы Жуалы аудандық бөлімінің тәлімгері.06.01.2014-28.03.2014 жылы Халыққа қызмет көрсету орталығы Жуалы аудандық бөлімінің инспекторы.2014 жылдан бастап бүгінгі күнге дейін Жуалы ауданы әкімдігінің жер қатынастары бөлімінің бас маманы қызметін атқарған.