Біздің веб-сайт шолу тәжірибеңізді қамтамасыз ету үшін cookie файлдарын пайдаланады және тиісті ақпарат. Біздің веб-сайтты пайдалануды жалғастырмас бұрын, сіз Cookie саясатымен және құпиялылығымен келісесіз және қабылдайсыз. cookie файлдары және құпиялылық.

Қостанай облысында тасқын кезінде иттерге арналған панажайды су басып қалды

ktk.kz

Қостанай облысында тасқын кезінде иттерге арналған панажайды су басып қалды

Иттер дер кезінде босатылып үлгерді. Құтқару жұмыстары қалай жүріп жатқаны туралы Kazinform тілшісі жануарларға қамқорлық жасайтын баспана иесі Людмила Берестовамен сұхбатында білді.

Иттерге арналған үйдің құрылу тарихы 2019 жылдан басталған. Бастапқыда Людмила үй-жай салу үшін қол жинап, қала әкімдігіне жүгінген.

Алайда әкімдік бұл мақсатқа бюджет қарастырылмағанын айтты, деп жазады kazinform. Содан кейін Людмила өзі бастап қор тіркеп, қаражат жинап, құрылысты бастаған.

— Содан бері менің өмірім түбегейлі өзгерді — тамақтануға, ұйықтауға, демалуға, отбасыма, достарыма уақыт болмады, бүкіл өмірімді тастанды, мүгедек, ауру, әлсіреген иттерге қолайлы өмір сүру жағдайын жасауға арнадым. Баспана орналасқан учаске саяжайдың шетінде, қаңырап бос қалған үйлердің арасында, ойпатта орналасқан. Бірақ онда да наразылық білдірген көршілер, үстімнен арыз жазушылар көп болды. Электр қуатын өшіріп тастак, жала жабу, мемлекеттік органдарға шағым түсіру сынды көптеген кедергілерге кезіктім. Одан кейін жануарларға немқұрайлы қарамайтын қала тұрғындарының қаржылай қолдауының арқасында биік бетонды қоршау тұрғызылды. 1500 шаршы метр аумаққа 27 қоршау салынды. 2 вагон сатып алдық, оның бірі ветеринарлық процедураларға арналған, қажетті қосалқы құрылыстар салынды, ағаштар отырғызылды, электр жарығы тартылды және ауыз су алу үшін құдық бұрғыланды, — дейді Людмила.

Қажырлы еңбекпен құрылған аумақ 15 минуттың ішінде жойылды. Еріген қар суы барлығын шайып кетті.

— Мені үй-жайды су алып кеткені емес, иттердің қазіргі күйі қатты алаңдатады. Оларды бірнеше адам іздеп жатыр, — деді Людмила.

Су үй-жайды санаулы минуттарда-ақ басып қалған. Людмила бірден қоршауларды ашыңдар деп бұйырған.

— Бәрін босатып жібергенде иттердің арасында төбелес басталды, біз оларды мінезі мен жаратылысына байланысты әртүрлі қоршауға бөлеміз. Көбі ұясынан шықпай қойды, мен олар тым құрымаса су ағынымен жүзіп кетуі үшін қоршауларды балтамен бұза бастадым, — дейді жануарларға арналған баспана иесі.

Суға белшесінен батқан Людмиланы күйеуі әзер құтқарып қалған. Тасқын су оларды қоршау сыртына шығарып тастаған.

Иттердің көбі қашып құтылды. Кейбірін адамдар құйрығынан тартып жүк көлігіне отырғызған.

Қазіргі уақытта іздеу-құтқару жұмыстары жалғасып жатыр.

Бізді Youtubе-та қараңыз!Бізді Facebook-та, Instagram-да, Telegram-да оқыңыз!

  • Соңғы
Басқа жаңалықтар

Күнделікті жаңалықтар

Бүгін,
23 мамыр 2024