Біздің веб-сайт шолу тәжірибеңізді қамтамасыз ету үшін cookie файлдарын пайдаланады және тиісті ақпарат. Біздің веб-сайтты пайдалануды жалғастырмас бұрын, сіз Cookie саясатымен және құпиялылығымен келісесіз және қабылдайсыз. cookie файлдары және құпиялылық.

«Арандатып жатыр»: Журналист киіз үйдегі ерсі биге қатысты құзырлы органдарға үндеу тастады

kaz.365info.kz

«Арандатып жатыр»: Журналист киіз үйдегі ерсі биге қатысты құзырлы органдарға үндеу тастады

Ашық-шашық ұлттық киім киіп, киіз үйде билегендер көпшілікке жақпай қалды. Үкімет ЛГБТ насихатына тыйым салу туралы петицияны қарастырып жатқанда, трансвеститтер ұлттық мәдениетті қорлау элементтері бар видео түсіріп әлек. Әлеуметтік желіде киіз үй ішінде ашық образда билеген жастардың видеосы тарады. Әлеуметтік желіде киіз үйдің ішінде билеген жастардың видеосы тарап, ел наразылығын тудырды. Қалың көпшілік ашық образдағы бишілердің әрекетіне ашуланды. Желіні шулатқан видеоға қатысты көпшілік наразылық білдіріп жатыр. Әлгі видеода трансвеститтер киіз үй ішінде жартылай жалаңаш ұлттық нақыштағы ою-өрнегі бар киім киіп билеген. «Адамдардың көңіліне қаяу салып, мәдени және ұлттық болмысымызға сызат түсіретін жазбалар мен бейнероликтерге жол берілмейді. Осы орайда, ҚР Мәдениет және ақпарат министрі ретінде киіз үйде би билеп, бейәдеп әрекетімен қоғам назарын аудартқан бейнеролик туралы айтқым келеді. Мұндай контент қоғамда алауыздық тудыруы мүмкін. Арандатушылыққа да ұрындыруы ықтимал. Әрине, өскелең ұрпақ тәрбиесіне кері әсерін тигізеді. Видеоның мазмұны қазақ халқының құндылықтары мен салт-дәстүрлеріне қайшы келеді. Тағы бір мәселе өте маңызды. Мемлекеттік әлеуметтік тапсырыстар дәстүрлі құндылықтарымызды сақтау мен насихаттауда ерекше жауапкершілікті талап етеді. Ұлттық құндылықтардан бас тарту мәдениетімізге, салт-дәстүрімізге және әдет-ғұрыптарымызға қашан да қауіп төндіреді», – деді министр. Бұл ретте, белгілі журналист, тележүргізуші Ерқанат Көпжасар аталмыш видеоға қатысты ойын айтты. «Мына бишілердің бірі еркек дейді. Қазақты барынша арандатып жатыр. Үшінші фронт ашқысы келетін арам ниеттілердің тірлігі. Төзімдері қай жерде тарс етеді деп көргісі келеді. Бұған үн қатпадыңдар деп айтақтап отыр кейбіреулер. Ал үн қаттық дейікші. Сонда елдегі қызтекелердің бәрін қырып тастауымыз керек пе, әлде, Қазақстандағы әр киіз үйдің ішіне ЛГБТ-лар билемесін деп күзет қоюымыз керек пе?! Неге полиция жұмыс істемейді. Неге желідегі үш-төрт адам ғана шуылдап қою керек?! Меніңше құзырлы органдар ұлттық құндылық пен дәстүрді қорлағандарды «ұлтаралық араздықты қоздырды» деп заңмен жауапкершілікке тарту керек», – деп жазды журналист.

  • Соңғы
Басқа жаңалықтар

Күнделікті жаңалықтар

Бүгін,
15 шілде 2024