«Тойға шақырмаңыздаршы»: Астана тұрғыны бейнеүндеу жолдады

13.05.2025, 06:54 kaz.365info.kz

Астаналық Бибігүл есімді бойжеткен тойларға жиі шақырылатынын айтып, жұрттан өзін той тізімінен алып тастауын сұрады. Видеоүндеу арқылы көпшіліктен кешірім сұраған ол тойларға бару қаржылық жағынан ауыр тиетінін жеткізді. «Аптасына кемі бір шақыру аламын. Оларды ашпай-ақ ішіндегі не екенін білемін. Қазірдің өзінде он шақты шақырту келді. Бұл қалтамды қағып жатыр», – дейді ол. Сонымен қатар, тойлардың басқа қалаларда өтуі, әр тойға жаңа киім қажет болуы жағдайды қиындата түсетінін айтқан бойжеткен, жаңа түскен жас жұбайларға қуанышты екенін, мүмкіндігі болса қатысуға дайын екенін де жеткізді. Алайда, шынайы жағдайын айтып, шақыртуларды азайтуды сұрады.