Біз балық баға аламыз ба?

16.11.2021, 01:10 aikyn.kz

Былтыр Өзбекстанда 144 мың тон­­на балық ауланған, біздің елде бұл көрсеткіш 52,7 мың тонна көле­мінде. Әйтсе де, қолдағы су ресурстарын ескере отырып, Қазақ­стан­да балық өсіруді 600 мың тонна­ға дейін жеткізуге, ал экспортты 10 есе арттыруға мүмкіндік бар. Бұл кемінде 50 мың жұмыс орнын ашуға ықпал етеді. Бірақ ол қазір қағаздағы жоспар ғана. Қазір дүниежүзі бойынша жыл сайын 100 млн тоннаға жуық балық пен теңіз өнімдері ауланады. Оның 9/10-ы теңіздер мен мұхиттардан, ал қалған бөлігі тұщы сулардан алынады. Бұл балықтың жартысынан астамы алты елдің – Жапония, АҚШ, Қытай, Перу, Чили және Ресейдің үлесіне тиесілі. Ал бекіре балықтарының 90 пайызы – Қазақстан балық шаруа­шылығының үлесінде.