Алматылықтарды теректен төгілген құрттар үркітуде

12.05.2021, 14:11 qaz.greenqazaqstan.kz

Алматыда жасыл желекті ағаш құрты жайпап барады. Қалада соңғы жылдары теректің үңгі егеуіші қаптап кеткен. Ағаштан жаңбырша төгілген зиянкестердің кесірінен тұрғындар көшеге шығудан қалыпты. Экологтар жыл сайын теректің жауына айналған зиянкестерге қарсы миллиондаған қаражат желге ұшып жатыр деп қынжылады, деп хабарлайды КТК арнасы. Алматыда соңғы жылдары теректің үңгі егеуіші қаптап кетті. Зиянкестер тамырын тереңге жайған теректердің түгін қалдырмайтын түрі бар. Нақтырақ айтсақ, сарғыш құрттар жапырақтың ішкі жағына жабысып сөлін сорады. Ал құрт тиген ағаш сұрықсыз күйге түсіп, ақырында шіріп тынатыны сөзсіз. Терек біткеннің жауына айналған құрттың көбейіп кеткенін көше тазалайтын Әсет те