Ақмола облысында жеңіл көлік түйеге соғылып, бір адам көз жұмды
Ақмола облысы ПД баспасөз қызметінің мәліметінше, қайғылы жағдай 24 шілдеде «Астана-Ерейментау-Шідерті» автожолының 23 шақырымында болған.
«Анықталғандай, «Chevrolet Cobalt» автокөлігі жолдың үстінде тұрған түйеге соғылды. Жол-көлік оқиғасы салдарынан такси жолаушысы — Сандықтау ауданының 49 жастағы тұрғыны оқиға орнында қаза тапты», - деді ведомстводан.
ПД баспасөз қызметінен атап өткендей, Целиноград аудандық полиция бөлімі бұл деректі Қылмыстық кодекстің 345-бабы 3-бөлігі бойынша сотқа дейінгі тергеп-тексерулердің бірыңғай тізілімінде тіркеді.
«Сот-медициналық сараптама тағайындалды. Тергеу амалдары жүргізіліп жатыр. Жануардың иесі анықталғаннан кейін ол жауапқа тартылады», - деп толықтырды ведомстводан.
Дереккөз: Kazinform
Бізді Youtubе-та қараңыз!Бізді Facebook-та, Instagram-да, Telegram-да оқыңыз!
- Соңғы
- Танымал
Күнделікті жаңалықтар
8 қыркүйек 2024
