Біртановтың үйқамақтағы мерзімі ұзартылды

22.02.2021, 13:09 ktk.kz

Бұл туралы Біртановтың адвокаты Дмитрий Куряченко айтты. 2021 жылдың қаңтарында Нұр-Сұлтан тергеу соты Елжан Біртановтың үйқамақ мерзімін ақпанның соңына дейін ұзартқан болатын. "Тергеу үйқамақ мерзімін 2021 жылдың 12 ақпанында ұзартуды сұрады, сот наурыздың соңына дейін ұзартты", - деді адвокат Дмитрий Куряченко. Экс-министрдің адвокаты Қазақстан Президенті Қасым-Жомарт Тоқаевтың "Біртановты заңсыз қудалау ісін реттеуге өтініш жазғанын" да айтты. Еске салайық, Біртановқа аса ірі көлемде бюджет қаражатын жымқырды деген айып тағылып отыр.