Бағдат Мусиннің қызметтен кетуі өз қалауы ма?
![Бағдат Мусиннің қызметтен кетуі өз қалауы ма?](https://img43-kz.redtram.com/news/617379927.jpg?v=1714645326)
ҚР цифрлық даму, инновациялар және аэроғарыш өнеркәсібі министрлігінің баспасөз хатшысы Альбина Атен ЦДИАӨМ бұрынғы министрі Бағдат Мусинді қызметтен босату туралы қауесеттерге түсініктеме берді, деп хабарлайды аlmaty-akshamy.kz.
"Қазір әлеуметтік желілерде белсенді талқыланып жатқан кейбір пайымдауларға түсініктеме бергім келеді. Соңғы күндері БАҚ пен әлеуметтік желі қолданушылары министр Бағдат Мусиннің қызметтен кетуін әртүрлі пайымдармен талқылап жатқанын байқадым", - деп жазды Альбина Атен Facebook-те.
Оның айтуынша, министрдің отставкаға кетуі оның өз қалауына байланысты болды.
"Ол бұл туралы өзінің ресми парақшаларында жазды. Сондықтан сіздерді жалған ақпарат таратпауға және тек ресми дереккөздерге сенуге шақырғым келеді", - делінген хабарламада.
Бұған дейін Қазақстан Президенті Қасым-Жомарт Тоқаев ҚР цифрлық даму, инновациялар және аэроғарыш өнеркәсібі министрі Бағдат Мусинді үш ай бұрын – 2024 жылғы 6 ақпанда қайта тағайындалған қызметтен босатқаны туралы хабарланған болатын.
- Соңғы
- Танымал
Күнделікті жаңалықтар
27 шілде 2024