Вучич Тоқаевты Құрылтай сайлауымен құттықтады
Сербия Президенті Александр Вучич Қасым-Жомарт Тоқаевпен телефон арқылы сөйлесіп, Қазақстандағы Құрылтай сайлауының сәтті өтуімен құттықтады. Әңгіме барысында екі елдің саяси және экономикалық ынтымақтастығын дамыту мәселелері талқыланды, деп хабарлайды Kursiv.Media.
Александр Вучич Қазақстандағы Президент реформалары азаматтардың жоғары қолдауына ие болғанын атап өтті.
Қасым-Жомарт Тоқаев Сербия Президентіне ризашылығын білдіріп, елде жүзеге асырылып жатқан ішкі саяси өзгерістер туралы айтып берді. Сондай-ақ Қазақстанның саяси жүйесіндегі ауқымды трансформацияның тарихи маңызына тоқталды.
Тараптар қазақ-серб қарым-қатынасының қазіргі жағдайы мен даму перспективаларын талқылады. Екі ел басшысы екіжақты серіктестіктің тұрақты динамикасына қанағаттанатынын білдірді.
Сонымен қатар Қазақстан мен Сербия арасындағы іскерлік байланыстарды нығайту және бірлескен инвестициялық жобаларды ілгерілету мәселелері қаралды. Атап айтқанда, энергетика, көлік-логистика, ауыл шаруашылығы және цифрландыру салаларындағы ынтымақтастықты кеңейтуге мүдделілік білдірілді.
Бұған дейін Қасым-Жомарт Тоқаев алғашқы бір палаталы Құрылтай сайлауының өтуіне байланысты құттықтау жолдаған бес елдің басшыларына ризашылығын білдірген еді.
- Соңғы
Күнделікті жаңалықтар
24 тамыз 2026
