"Нұржігіттің қасында болам": Бақытжан Базарбек Құлан ауылына көшті
Экс-депутат Бақытжан Базарбаев Жамбыл облысындағы Құлан ауылына көшіп барғанын мәлімдеді. Ол жол апатынан қатты зардап шегіп, комаға түскен Нұржігіт көзін ашпайынша осы ауылда тұрады.
Алматы қаласының тұрғыны екеніне қарамастан, Бақытжан Базарбек Құлан ауылындағы сайлау учаскесіне барып, дауыс берді. Жақында ғана жол апатына ұшыраған бұрынғы депутат себебін былай түсіндірді:
«Ауыр халде жатқан Нұржігіттің жанында болуым қажет болғандықтан, Құлан ауылына көштім, алдағы уақытта Нұржігіт көзін ашпағанша осы ауылда тұрамын. Осы жерден дауыс бердім».
Ешқандай саяси партияның тізіміне кірмей, сайлаудан тыс қалған саясаткер Құрылтай мен оның депутаттарына сәттілік тіледі.
Естеріңізге сала кетейік, 16 тамызда экс-депутат Бақытжан Базарбек адам қағып кеткені жайлы ақпарат тарады. Артынша полиция қылмыстық іс қозғағаны мәлім болды. Жол апатынан зардап шеккен Нұржігіт комада жатыр.
- Соңғы
Күнделікті жаңалықтар
24 тамыз 2026
