KEGOC күзден бастап электр энергиясы тарифтерін көтеруді жоспарлап отыр
Күзден бастап электр энергиясы тарифтері қымбаттайды. Қазір бұл өтінімді Табиғи монополияларды реттеу комитеті қарап жатыр. Бұл туралы «KEGOC» АҚ басқарма төрағасы Нәби Айтжанов Үкіметте өткен брифингте хабарлады.
Компания 1 қазаннан бастап бес жылдық бағдарлама аясында қызмет құнын тағы да көтеруді жоспарлап отыр. Қазір бұл өтінім Табиғи монополияларды реттеу комитетінің қарауында жатыр.
«Алдын ала болжам бойынша, биылғы өсім шамалы болады – 2 пайыздан аз. Ал алдағы бес жылда орташа тариф шамамен 11–13 пайыз шамасында өседі деп отырмыз. Бірақ нақты санын әзірге білмейміз, қазір Табиғи монополияларды реттеу комитеті оны қарап жатыр», – деп атап өтті KEGOC басшысы.
Шешім ай соңына дейін қабылдануы тиіс.
Сонымен қатар Нәби Айтжанов түпкілікті тұтынушылар үшін тарифтегі KEGOC үлесі небәрі 7 пайызды құрайтынын атап өтті.
Сондықтан компания тарифтерінің өзгеруі қазақстандықтар үшін электр энергиясының түпкілікті құнына аса көп әсер ете қоймайды.
- Соңғы
Күнделікті жаңалықтар
25 тамыз 2026
