40 күнде рәсімдеуге болады: шетелде Қазақстан паспортын алу тәртібі өзгереді
1 қыркүйектен бастап шетелде жүрген қазақстандықтарға паспорт рәсімдеу тәртібі өзгереді. Кейбір елдердегі Қазақстанның дипломатиялық өкілдіктерінде құжатты 40 жұмыс күні ішінде алуға болса, енді бірінде күту мерзімі 90 күнтізбелік күнге дейін созылады.
Жаңа ережелер 2026 жылғы 1 қыркүйектен бастап күшіне енеді. Аталған өзгерістер Сыртқы істер министрінің 17 тамыздағы бұйрығымен енгізілді.
Шетелде уақытша жүрген барлық азамат елшілік немесе консулдық арқылы төлқұжат рәсімдей алмайды. Жаңа ережеде мұндай қызметті ала алатын 11 санат көрсетілген.
Оларға:
Ал шетелге тек турист ретінде барған Қазақстан азаматтары бұл тізімде жеке санат ретінде көрсетілмеген.
Паспортты рәсімдеу мерзімі елшілік немесе консулдықтың цифрлық жүйеге қосылған-қосылмағанына байланысты болады.
Сондықтан құжат тапсырар алдында нақты мерзімді консулдықтан алдын ала анықтап алған жөн.
Құжаттарда қате немесе кемшілік анықталса, оны түзетуге уақыт беріледі. Бұл кезең паспортты рәсімдеудің жалпы мерзіміне есептелмейді.
Қателер түзетілгеннен кейін рәсімдеу мерзімі қайта жалғасады. Ал белгіленген уақытта кемшіліктер жойылмаса, өтінішті қабылдаудан бас тартылуы мүмкін.
Дайын паспорт шетелдегі тиісті елшілікке немесе консулдыққа жіберіледі. Құжат келгеннен кейін бес күнтізбелік күн ішінде азаматқа оның дайын болғаны туралы хабарланады. Паспортты тек өзі барып алуға болады. Бала үшін құжатты оның заңды өкілі ала алады.
- Соңғы
- Тамыз, 24
-
-
-
-
-
-
-
-
-
-
-
-
-
-
-
-
-
-
Күнделікті жаңалықтар
25 тамыз 2026
