АҚШ Навальныйдың улануына байланысты Ресейге санкция әзірлеп жатыр

02.03.2021, 06:11 azattyq.org

АҚШ президенті Джо Байден әкімшілігі ресейлік оппозициялық саясаткер Алексей Навальныйдың улануына байланысты Мәскеуге санкция салуға дайындалып жатыр. Байден әкімшілігіндегі ресми дереккөзге сүйенген CNN арнасы санкцияның Еуроодақпен келісілетінін хабарлады.CNN арнасының мәліметінше, жаңа президент әкімшілігінің алғашқы санкциясы Американың Мәскеумен әрі қарайғы қатынасына айқындағыш реңк бермек. Яғни, бұл Вашингтонның бұрынғы президент Дональд Трамп әкімшілігінің бағытын жалғастырудан бас тартатындығының белгісі болмақ. Ақ үйді Байденнің алдында басқарғандар Навальныйдың улануына байланысты Мәскеуге қысым жасауға ықылас танытпаған және Ресей билігінің өзге де "өрескел әрекеттеріне" қатыст