«Менің бауырым» жобасы бойынша мектептерде еріктілер жұмыс істеуде

22.04.2024, 10:29 almaty-akshamy.kz

Бұл бастама азаматтық қоғамның белсенділігін арттыруда маңызды рөл атқарады, ол бойынша әрбір адам қазақстандық балалардың саламаттығын сақтауға және қолдауға өз үлесін қоса алады, деп хабарлайды Almaty-akshamy.kz Оқу-ағарту министрлігіне сілтеме жасап.

Қазіргі уақытта жобаға еліміздің 36 жоғары оқу орындары мен колледждерінен 4 мыңға жуық студент қатысуда, бұл жастардың қолайлы білім беру ортасын құруға қолдау көрсетуге мүдделілігін көрсетеді. Айта кетейік, жобаны іске асыруға Қызылорда облысы да қосылды. Өңір педагогтері мен студенттері үшін Сырдария, Жалағаш, Қармақшы, Шиелі, Жаңақорған аудандарының орталықтарында әдістемелік семинарлар ұйымдастырылды.