Әйелі зорлық-зомбылық жасады деп айыптаған қазақстандық дипломат шұғыл елге қайтарылады – СІМ

06.05.2024, 16:26 paryz.kz

«Күйеуімнің 10 жыл бойы маған зорлық-зомбылық жасап келе жатқанын айтқым келеді. ...Қорлық көрсеткені үшін оны дипломат лауазымынан айырып, түрмеге қамалғанын қалаймын. Ол маған физикалық, жыныстық, эмоционалды, экономикалық, тұрмыстық зорлық көрсетті», - деген дипломаттың әйелі әлеуметтік желіде тараған видеода.Сыртқы істер министрлігінің баспасөз қызметі бұл жағдайға қатысты жауап беріп, қазақстандық дипломаттың шұғыл түрде елге қайтарылатынын айтты.

Біз бұл қызметкерді Қазақстанға шұғыл қайтарып жатырмыз. Оның ісімен құқық қорғау органдары айналысады, - деп хабарлады СІМ.