Қазақстандық дипломат әйелін 10 жыл бойы ұрып келген

06.05.2024, 17:01 ktk.kz

Қор бұл сұмдықты парақшасында жариялады. Белгілі болғандай, Қазақстанның БАӘ-дегі елшіліктің кеңесшісі Мамаш Сәкен Тәшкенбайұлы әйеліне үнемі күш көрсетіп, тіпті кеше, яғни 5 мамырда жұбайының әпкесіне де қол көтерген.

«Дина, сәлем! Мен Мамаш Карина Госманқызы, БАӘ-дегі елшіліктің кеңесшісі Мамаш Сәкен Тәшкенбайұлының жұбайымын. Мен 10 жыл бойы зорлық-зомбылық көріп келе жатқанымды мәлімдеймін. Маған физикалық, жыныстық, эмоционалдық, тұрмыстық зорлық көрсеті. Күйеуімнің маған жасаған барлық қиянаты үшін дипломатиялық мәртебесінен айырып, түрмеге жабылғанын қалаймын», - деп көмек сұраған Карина Мамаш.

ҚР Сыртқы істер министрлігіне хабарласқанымызда, бұл жағдайдан хабардар екенін жеткізді.

«Біз бұл қызметкерді Қазақстанға шұғыл қайтарып жатырмыз. Оның ісімен құқық қорғау органдары айналысады», - деді ҚР Сыртқы істер министрлігінің ресми өкілі Айбек Смадияр.

Дереккөз: Kazinform

Бізді Youtubе-та қараңыз!Бізді Facebook-та, Instagram-да, Telegram-да оқыңыз!