85 жастағы атақты композитор Димашқа баға берді

16.02.2021, 20:32 baq.kz

Нұр-Сұлтан, BAQ.KZ. Қазақстан мен Қырғызстанның еңбек сіңірген қайраткері, композитор Ілия Жақанов әнші Димаш Құдайберген туралы пікір білдірді. Димаш Құдайберген - вокал өнерінің генийі. Қазақ халқының ұлттық мақтанышы. Оның дауысы адам жан дүниесінің нәзік талшықтарын қозғайды. Димаштың арқасында әлем қазақ әндерін шырқайтын болды. Композитор ретінде мен Димашқа сарқылмас шығармашылық қуат пен нағыз өнерге адалдық тілеймін!,- деді Ілия Жақанов. Айта кетейік, Ілия Жақанов биыл 85 жасқа толады. Жазушы, композитор, өнер зерттеушісі, Қазақстанның және Қырғызстанның еңбек сіңірген мәдениет қызметкері, Қазақстанның еңбек сіңірген қайраткері, Халықаралық Жамбыл атындағы сыйлықтың лауреаты.