Рауан Ахметов: Актер болу үшін актер болып туылу керек

08.03.2025, 02:05 newsroom.kz

- Сіздің ойыңызша, актер болу үшін не қажет? - Актер болу үшін ең басты керек дүние табандылық және талант яғни адамның талпынысы мен өнері болуы керек. Таланты жоқ актер, актер емес. Менің ойымша, актер болу үшін актер болып, туылу керек. Яғни таланты болуы керек. - Жалпы осы күнге дейін неше фильмге түстіңіз? - Бірінші "Томпақ" телесериалына түстім. "Мұқағали. Бұл ғасырдан емеспін", "Игрок", "60 кг", "Приговор", "Рэкетир 3", "Арамызда Ыстамбұл", "Папаша". - Қазіргі таңда оқу бітірдіңіз бе? - Иә, мен оқу бітіргенмін. Сондай-ақ, Қырғызстанда актерлік педагог саласы бойынша білім алудамын. Одан бөлек, жасөспірімдерге актерліктен сабақ беремін. Жалпы мен болашақта педагог болғым келеді. Сол үшін қазір қабілеттерімді дамытудамын. - Түсірілім барысында партнерлік сезім ояна ма? - Осы күнге дейін оянбаған, оянғанында қаламаймын. Өйткені ол жұмыс. Жұмыстың аты жұмыс. Әкеңді ойнап жатқан адамды, әке деп қабылдамайсыңғой. Актер ретінде қабылдайсың. Бұл біздің жұмысымыз. Біз әрқашан ұсынылған тосын жағдайға енуіміз керек. - Сіздің пір тұтатын актеріңіз кім? - Дэниел Дэй Льюис, Брэд Питт, Джонни Деп. Бір ғана адам бар, міне осы мықты актер деп айта аламын. Ол Дэниел Дэй Льюис. "Оскар" кинопремиясының үш дүркін иегері. Ол бөлек актер. - "Рэкетир 3" фильмінде басты рөлдердің бірін сомдадыңыз. Жалпы актерлік құраммен қарым-қатынасыңыз жайлы атап өтсеңіз. Қандай әсер алдыңыз? - Түсірілім өте сәтті болды. Ақан ағамен кино, фильм, карьера жайлы сөйлестік. Ақан ағамен өте жылы карым-қатынастамыз.Түсірілім барысында атмосфера өте жеңіл болды. - Қанша спектакльде ойнадыңыз? - 2021 жылы колледжде оқып жүргенде алғаш рет "Пилигрим" атты спектакльде ойнадым. "Дон Жуан" және "Туған күніңізбен анашым". Қазіргі таңда үшінші спектакльге дайындық үстіндемін. "Зулейха" атты спектакль қойғалы жатырмыз. Ішіндегі актерлік құрам: Азамат Сатыбалды, Бекжан Тұрыс, Салтанат Бақаева және Рауан Ахметов. Екі сағаттық спектакль махаббат туралы. "Зулейха открывает глаза" Гузель Яхинаның шығармасы. - Актер болғаннан кейін рөлге кіресіз. Шынайы өмірде сол кейіпте өмір сүріп кетіп, өзіңізге келу оңайға соқпаған сәттеріңіз болды ма? - "Черный двор" сериалынан кейін нақты айта аламын. Мен сол фильмге бір мезетке өзімді қалдырып кеткендей болдым. Кейіпкерден шыға алмау осы сериалда болды. Әр фильмнен кейін бір әсер бар. - Сұхбаттасқаныңызға рақмет!