«Мисс Қазақстан – 2023» Сабина Ыдырысова әлемдік байқауға қатысады

06.05.2025, 07:10 kaz.365info.kz

«Мисс Қазақстан – 2023» атанған Сабина Ыдырысова «Әлем аруы» байқауында ел намысын қорғайды. Ол Қазақстанның түкпір-түкпірінде түсірілімдерге қатысып, шығармашылық нөмір әзірлеген. Сонымен қатар, ағылшын тілі, визаж және дефиле бағытында білімін жетілдірген. Кәсіби балет артисі болған Сабина қазақ, орыс және ағылшын тілін еркін меңгерген. Қазір ол спортпен белсенді айналысып, модельдегі мансабын жасап келеді. Әлемдік байқауға арнап эксклюзивті ұлттық киім тігілген. Бұл – жай ғана киім емес, жарық, өрнек пен пішін арқылы айтылатын тарих. Ол өткен мен бүгінгіні тоғыстырып, қазақ мәдениетінің сұлулығын дәріптейді, – дейді Сабина. Ол ел намысын қорғау – үлкен жауапкершілік пен зор мақтаныш екенін атап өтеді: Биыл әлемнің сұлулық байқауына шамамен 120 қатысушы жиналады. Ашылу рәсімі 11 мамырға, ал гранд-финал 31 мамырға жоспарланған.