Азық-түлік тауарлары бір жыл ішінде 17,9%-ға қымбаттаған
Сәуір айында Қазақстандағы инфляция деңгейі жылдық есепте 13,2%-ды, бір айда 2%-ды құрады. Жыл басынан бері инфляция 7,3% болды, деп хабарлайды Ұлттық статистика бюросы. Бір жыл ішінде азық-түлік тауарлары 17,9%-ға, азық-түлікке жатпайтын тауарлар 11,1%-ға және ақылы қызметтер 8,9%-ға қымбаттады. Былтырғы сәуірмен салыстырғанда құмшекер, жаңа піскен көкөністер, картоп пен құс етінің бағасы айтарлықтай өскен. Тек жұмыртқы ғана сәл-пәл арзандаған – 4,1%. Ең қатты қымбаттаған тауарлар: Бюроның баға статистикасы департаменті директоры Қуанышбек Жақыпбекұлының айтуынша, жыл басынан бері индекс құрылымындағы азық-түлік тауарларының үлесі 40,7%-ды, азық-түлікке жатпайтын тауарлар 30,2%-ды, ақылы қызметтер 29,1%-ды құрайды. «Ай сайын бюро тауарлар мен қызметтердің толық жиынтығы бойынша бағалардың өзгерісін тіркейді. Онда азық-түлік, тұрмыстық және шаруашылық тауарлар, ересектер мен балалар киімдері, денсаулық сақтау, көлік қызметтері және т.б. қызмет пен тауарлар бағасы ескеріледі, барлығы – 508 позиция» дейді Қуанышбек Жақыпбекұлы.
- Соңғы
- Танымал
Басқа жаңалықтар
Күнделікті жаңалықтар
Бүгін,
26 сәуір 2024
26 сәуір 2024
Басқа жаңалықтар
Басқа жаңалықтар