Алматыда шатырдан құлаған екі қыздың бірі белгілі экологтың қызы болып шықты
Алматыда шатырдан құлаған екі қыздың бірі белгілі экологтың қызы екені анықталды. Қайғылы оқиға бүгін таңғы сағат 10:00 шамасында Алмалы ауданында болды. 7-сыныпта оқитын екі қыз көпқабатты үйдің шатырынан құлап, көз жұмды,- деп хабарлайды newsroom.kz Тұрғынның сөзінше, қыздар дене шынықтыру сабағынан сұранып кеткен. Ал мектеп күзетшісіне дүкенге баратындарын айтқан. Екі қыз да бұл тұрғын үйде тұрмайды екен. Сондай-ақ, үй тұрғындарының сөзінше, сот-медициналық сарапшылар шатырды тексеріп, одан пышақтар мен таблеткалар тапқан. Ал полиция қылмыстық іс қозғаған. Оқиғаның себебі мен мән-жайы анықталып жатыр. Айта кетелік, қыздардың бірі белгілі эколог Евгений Мұхамеджановтың қызы екені анықталды.
- Соңғы
Күнделікті жаңалықтар
19 қыркүйек 2024