Алматыда автокөлік айналарын ұрлаумен айналысатын топ ұсталды

29.09.2020, 10:32 inform.kz

АЛМАТЫ. ҚазАқпарат –Алматыда автокөлік айналарын ұрлаған топ ұсталды, деп хабарлайды ҚазАқпарат тілшісі. Алматы қалалық Полиция департаментінің баспасөз қызметінің мәліметінше, жол талғамайтын қымбат көліктердің айнасын ұрлауға және сатуға мамандандырылған екі адам ұсталды. «Арнайы мамандардың күшімен бұрын мүліктік қылмыс жасағаны үшін бірнеше рет сотталған 1986 жылы туған азамат ұсталды. Ол қала аумағында автокөлік айналарын ұрлаумен айналысқан және белгілі болғандай, оларды «Кар сити» сауда үйінде сататын орны бар сатушыға сатқан. Жедел іс-шаралар барысында ұрланған заттарды сатып алушы - 1985 жылы туған Т.есімді азаматта ұсталды. Бүгінгі таңда 6 элиталық көліктен, негізінен «Toyota Land