ОПЕК+ келісімі: Қазақстан биыл қанша мұнай өндіреді

14.04.2020, 11:33 inform.kz

НҰР-СҰЛТАН. ҚазАқпарат - 2020 жылдың бірінші тоқсанында мұнай және конденсат өндіру 23,6 млн тоннаны құрап, мұнай экспорты 18,9 млн тоннаға жетті. Бұл туралы бүгін Үкімет отырысында ҚР Энергетика министрі Нұрлан Ноғаев айтты, деп хабарлайды ҚазАқпарат тілшісі. «Биылғы жылдың бірінші тоқсаны бойынша мұнай және конденсат өндіру 23,6 млн тоннаны құрап, мұнай экспорты 18,9 млн тонна болды. Өткен жылдың осындай кезеңімен салыстырғанда 2,6-2,7 пайыз өсім бар. ОПЕК+ шешіміне сәйкес, 2020 жылы мұнай өндіру көлемі 84,5 млн тонна деңгейінде жоспарланып отыр. Елімізде жүзеге асып жатқан ірі жобаларда мұнай өндірудің оң динамикасы қалыптасты. Атап айтқанда, Теңіз жобасында 2,6, Солтүстік Каспий жобасын