Атырауда 107 мың адам 42 500 теңгеден алды

21.04.2020, 15:21 inform.kz

АТЫРАУ. ҚазАқпарат - Атырау облысында 107 мың адам 42 500 теңгелік көмекті алды, деп хабарлайды ҚазАқпарат. Облыстық Жұмыспен қамтуды үйлестіру және әлеуметтік бағдарламалар басқармасының басшысы Серік Қамидолланың мәлім етуінше, 42 500 теңгенің әлеуметтік төлемін алуға 141 037 адам өтініш берген. «Соның ішінде 118 996 азаматтың өтініші мақұлданды. Ал, бүгінге дейін 107 340 адамның есепшотына аталған сомадағы әлеуметтік төлем қаржысы түсті. Төтенше жағдай мерзімінің ұзартылуына байланысты әлеуметтік төлем алуды ресімдеу әлі де жалғастырылып жатыр. Демек, азаматтардың өтініш беруіне мүмкіндігі бар», - деді ол.