Ауыл тұрғындарына жылына 2,5 пайызбен несие беріле бастайды

31.01.2023, 08:38 paryz.kz

Жобаның негізгі мақсаты – халықтың табысын арттыру, ауыл шаруашылығы тауарын өндірушілерді жан-жақты қолдау, ауыл тұрғындарын аграрлық бизнеске барынша тарту, азық-түлік қауіпсіздігіне және азаматтардың өмір сүру сапасын жақсартуға байланысты мәселелерді шешу. «Ауыл аманаты» жобасы қатысушыларға 2,5% ғана құрайтын төмендетілген сыйақы ставкасы бойынша шағын несие беруді көздейді. Шағын несие көлемі – 8,6 млн теңгеге дейін. Павлодар облысында жоба шеңберінде 300 кейсті жобаны жүзеге асыруға 1,5 млрд теңге бөлінді. Асайын Байханов өзекті бизнес-жобалардың тізбесін және жеңілдікті кредиттер алу тетіктерін пысықтауды, сондай-ақ облыс аудандарының тұрғындарымен қажетті түсіндіру жұмыстарын жүргізуді тапсырды.