Ұлттық экономика министрлігінің кейбір функциялары өзгерді
![Ұлттық экономика министрлігінің кейбір функциялары өзгерді](https://img43-kz.redtram.com/news/618060719.jpg?v=1721289246)
Қаулыда Ұлттық экономика министрлігінің құзыретіне өзгерістер енгізілген. Құжатқа сәйкес, енді министрлік келесі функцияларды орындайды:
- мемлекеттік органдарға қатысты ҚР Кәсіпкерлік кодексінің 85-2-бабына сәйкес кәсіпкерлік субъектілерін қорғау саласында мемлекеттік бақылауды жүзеге асыру;
- кәсіпкерлік субъектілерін қорғау саласында мерзімді тексерулер жүргізудің жартыжылдық жоспарларын бекіту;
- мерзімді тексерулер жүргізудің жартыжылдық жоспарының нысанын, тексерулерді тағайындау, ұзарту, тоқтата тұру және қайта бастау туралы актілердің нысандарын, тексеру мерзімін ұзарту туралы хабарламаның нысанын, кәсіпкерлік субъектілерін қорғау саласындағы мерзімді, жоспардан тыс тексеру және қашықтықтан бақылау нәтижелері туралы қорытындылардың нысандарын әзірлеу және бекіту;
- бірнеше салалық мемлекеттік органдардың құзыретіне жататын экономиканың түрлі салаларында ұсынылатын жеке кәсіпкерлік субъектілеріне мемлекеттік қаржылық және мүліктік қолдау көрсету үшін қажетті қолдау тәртібін, нысандарын, мөлшерін және басқа да жағдайларды әзірлеу;
- бірнеше салалық мемлекеттік органдардың құзыретіне жататын экономиканың түрлі салаларында ұсынылатын жеке кәсіпкерлік субъектілеріне мемлекеттік қаржылай емес қолдау көрсету үшін қажетті қолдау тәртібін, нысандарын және басқа да жағдайларды әзірлеу;
- реттеуші мемлекеттік органдар айқындайтын реттеуші актілерге кейіннен талдау жүргізу мерзімдерін келісу;
- энергия беруші ұйымдар бір күнтізбелік жылға бір тұтынушыға шаққандағы ажыратулар санының орташа көрсеткішін және бір күнтізбелік жылға бір тұтынушыға шаққандағы ажыратулар ұзақтығының орташа көрсеткішін асырған жағдайда тұтынушы пайдаланған электр энергиясы үшін бұрын өндірілген соманы қайта есептеу немесе қайтару жолымен электр қондырғыларының белгіленген қуаты 200 кВт дейінгі кәсіпкерлік субъектілеріне автоматты өтеу әдістемесін әзірлеу және бекіту.
Сондай-ақ, ведомствоның кейбір функциялары қайта қаралды. Атап айтқанда министрлік:
- жеке кәсіпкерлік субъектілеріне мемлекеттік қолдау көрсету кезінде талаптардың сақталуы тұрғысынан жеке кәсіпкерлік субъектілерін қолдау саласында мемлекеттік бақылауды жүзеге асырады;
- реттеушілік талдауды жүргізіп, пайдалану қағидаларын әзірлейді және бекітеді;
- орталық мемлекеттік, жергілікті өкілді және атқарушы органдар әзірлейтін нормативтік құқықтық актілердің жобаларын, Қазақстан Республикасының халықаралық шарттарының жобаларын, мемлекеттік жоспарлау жүйесі саласындағы құқықтық актілердің жобаларын, сондай-ақ жеке кәсіпкерлік субъектілерінің мүддесін қозғайтын, Қазақстан Республикасының қатысушысы болуға ниеттенетін халықаралық шарттардың сараптамалық кеңестерінің қарауын ұйымдастырады.
Қаулы 2024 жылғы 28 шілдеден бастап қолданысқа енеді.
Бізді Youtubе-та қараңыз!Бізді Facebook-та, Instagram-да, Telegram-да оқыңыз!
- Соңғы
- Танымал
Күнделікті жаңалықтар
8 қыркүйек 2024