Әлем елдері атом энергетикасына бет бұрып жатыр

25.09.2024, 13:35 turkistan.today

Әлем елдері атом энергетикасына бет бұрып жатыр. Көрші Өзбекстан да бір шешімге келіп, ресейлік технологиямен атом электр стансасын салатын болды. Себебі қажетті энергиясының 80 пайыздан астамын газдан өндіріп отырған көрші ел газ тапшылығына ұрынған соң, ең сенімді әрі қауіпсіз энергия көзі ретінде АЭС-ті таңдады,- деп хабарлайды turkistan.today

Осыдан екі жыл бұрын көгілдір отынның түбі көріне бастаған Өзбекстан қазір Ресейден газ импорттап, оны жағып, энергияға айналдырып отыр. Баға болжаусыз қымбаттай беретін секілді. Өзінде әжептәуір уран қоры бар ел АЭС салып қамданбаса, алдағы 25 жылда энергияға деген қажеттілігі 2 есе артатын көрінеді. Олар сол мұқтаждықты болдырмау үшін атом энергиясын игеруге кіріспек.