Павлодар әуежайы 1 сәуірден жөндеуге жабылады

12.03.2025, 09:29 ktk.kz

Павлодар әуежайы 1 сәуірден жөндеуге жабылатын болды. Әуе қатынасы шамамен 7 айдай тоқтатылады.

— 1 сәуірден 1 қарашаға дейін Павлодар қаласы әуежайының ұшу-қону жолағын кеңейту және қайта жаңарту жұмыстары жүргізіледі. Осыған байланысты барлық әуе бағыттары тоқтатылады, — деп хабарлады облыс әкімінің баспасөз қызметінен.

Ресми ақпаратқа сүйенсек, Павлодар әуежайы 2006 жылдан бері жөндеу көрмеген. Оны халықаралық талаптарға сай ету үшін жаңарту жұмыстары қажет. Мамандар есептей келе, әуежайды толықтай жаңарту жобасына 16 млрд 400 млн теңге қажет деген шешімге келді. Өткен жылы 4,8 млрд теңге бөлініп, қажетті құрал-жабдықтар сатып алынған.

Сәуірден басталатын жаңарту жұмыстарына 1 млрд 584 млн теңге дайын тұр. Қаржының 967 млн теңгесі облыстық бюджеттен, қалғаны республикалық қазынадан бөлінеді. Қайта жаңартуды толықтай аяқтау үшін тағы 9 млрд теңгеден астам қаржы қажет. Жөндеу аяқталғанда ішкі рейстер саны артып, жаңа халықаралық бағыттарды ашу көзделген.

Дереккөз: kazinform

Бізді Youtubе-та қараңыз!Бізді Facebook-та, Instagram-да, Telegram-да оқыңыз!