Астанаға 2024 жылы 1,5 миллион турист келді

13.03.2025, 06:17 kaz.365info.kz

2024 жылы Астана 1,5 миллион туристі қабылдады, бұл 2023 жылмен салыстырғанда 14%-ға жоғары көрсеткіш. Қала әкімдігінің Коммуникациялар қызметінде өткен брифинг барысында Инвестициялар және кәсіпкерлікті дамыту басқармасының басшысы Халел Әкімжанов шетелдік туристердің негізгі бөлігі Ресей, Қытай, Германия, Түркия, АҚШ және Оңтүстік Кореядан келгенін атап өтті. «Қазіргі уақытта бизнес-туризм мен медициналық туризмнің даму қарқыны жоғары. Сонымен қатар, оқиғалық (ивент) туризмге ерекше көңіл бөлініп жатыр. Бұдан бөлек, гастрономиялық және мәдени-спорттық туризмді дамытуға басымдық берілуде», – деді ол. Алдағы уақытта туризмді тұрақты дамыту үшін бірнеше басым бағыт айқындалды: • халықаралық бизнес, мәдени және спорттық-бұқаралық іс-шараларды тарту; • медициналық және гастрономиялық туризмді дамыту мен ілгерілету. Биыл елордада 300-ден астам мәдени-спорттық іс-шара өткізу жоспарланып отыр.