Аста-төк той иелері салық төлеуі мүмкін

20.03.2025, 05:58 kaz.365info.kz

Қаржы вице-министрі Ержан Біржанов ауқымды той жасап, қомақты қаражат жұмсаған азаматтардың енді салық төлеуі мүмкін екенін мәлімдеді. Мемлекеттік кірістер комитеті той шығындарын бақылауға алып, адамның табысы мен шығыны сәйкес келмеген жағдайда тексеріс жүргізбек. Қазақстанда жыл сайын өтетін мыңдаған тойға миллиардтаған теңге жұмсалады. Банкеттер, асабалар, шоу-бағдарламалар секілді қызметтер көп қаражатты талап етеді. Кейбір адамдар несие алып, той жасаса, енді бірі ұзақ жылдар бойы жинаған ақшасын жұмсайды.