Қонаев пен Алматы арасында LRT салынуы мүмкін

17.04.2025, 07:29 kaz.365info.kz

Алматы облысы мен Оңтүстік Кореяның RETD CO., LTD компаниясы Қонаев пен Алматы қалаларын жалғайтын жеңіл рельсті көлік (LRT) жобасын талқылап жатыр. Облыс әкімінің орынбасары Рустам Исатаев бұл бастама өңірдің көлік инфрақұрылымын дамытып, тұрғындарға ыңғайлы болатынын атап өтті. Кореялық компания өкілі Ли Чан Ук маглев технологиясының артықшылықтарына тоқталып, мұндай жобалардың Азияда сәтті жүзеге асқанын мысал етті. Қазір облыста корей капиталының қатысуымен 15 кәсіпорын жұмыс істейді. Тараптар LRT құрылысы өңірдің технологиялық және экономикалық дамуына серпін береді деп сенеді.