Шымкентте Қошқар ата өзенін жөндеуге 1,2 миллиард теңге бөлінбек

28.04.2025, 08:11 kaz.365info.kz

Шымкент әкімдігі Қошқар ата өзенін қалпына келтіруге 1,2 миллиард теңгеден астам қаржы жұмсамақ. Мемлекеттік сатып алу сайтында жарияланған ақпаратқа сәйкес, тапсырыс беруші — «Шымкент қаласының жайлы қалалық орта қалыптастыру басқармасы» мемлекеттік мекемесі. Бірінші кезеңде Жангелдин көшесінен Интернациональная көшесіне дейінгі аралықты күрделі жөндеуге 626 567 196 теңге бөлу жоспарланған.Сондай-ақ екінші кезең бойынша дәл осы бағыттағы өзен арнасын жөндеуге 628 307 814 теңге қарастырылып отыр. Осылайша, екі кезеңнің жалпы құны 1,2 миллиард теңгеден асады.