Қазақстан және ЕАЭО: ынтымақтастықтың артықшылықтары мен экономикалық тиімділігі

12.05.2025, 08:40 kaz.365info.kz

Қазақстан — Еуразия құрлығының қақ ортасында орналасқан, маңызды сауда бағыттары өтетін стратегиялық аймақ. Бұл елімізді Еуропа мен Азия-Тынық мұхиты өңірі арасындағы экономикалық көпірге айналдырып отыр. Мемлекетіміз ашық және өзара тиімді экономикалық әріптестікті қолдайды. Қазақстанның Еуразиялық экономикалық одақ (ЕАЭО), Дүниежүзілік сауда ұйымы, Шанхай ынтымақтастық ұйымы, Түркі мемлекеттері ұйымы сияқты ұйымдарға мүше болуы — соның айғағы. Бүгінде ЕАЭО — Еуразиядағы тұрақты және қарқынды дамып келе жатқан экономикалық одақ. Оның басты мақсаты — тауар, қызмет, капитал мен жұмыс күшінің еркін қозғалысын қамтамасыз ету. Одаққа мүше болу Қазақстан үшін:• Инвестиция тартуға,• Сыртқы сауданы ұлғайтуға,• Бірлескен өндірістерді іске асыруға,• Көлік-логистикалық инфрақұрылымды дамытуға мүмкіндік береді. Негізгі артықшылықтар мен жетістіктер:• Ортақ нарық: ЕАЭО елдері арасында кедендік рәсімдер алынып тасталды, баж салығы мен тарифтік шектеулер қолданылмайды. Бұл бизнес үшін шығынды азайтып, халыққа — сапалы әрі қолжетімді тауарлар ұсынады.• Санитарлық және ветеринарлық бақылау: Қазақстан, Ресей және Қырғызстан шекарасында бұл бақылау алынып тасталды, сертификаттар өзара мойындалады.• Техникалық регламенттер: Қазірдің өзінде 52 регламент қабылданып, 48-і күшіне енген. Олар өнімдердің 90%-ын қамтиды.• Мемлекеттік сатып алу: Барлық ЕАЭО елдерінің жеткізушілері тең құқыққа ие. Қазақстандық компаниялар 135 млрд АҚШ долларына тең нарыққа қатыса алады.• Салық салу: Қосарланған салық жойылған, ҚҚС тағайындалған елде ғана төленеді.• Жұмыс күші еркіндігі: ҚР азаматтары ЕАЭО елдерінде әлеуметтік қолдау мен тегін медицинаға қол жеткізе алады, дипломдар (медицина мен фармацевтикадан басқасы) еш кедергісіз танылады. Сонымен қатар, азаматтар ЕАЭО елдерінде жұмыс істеп жүріп жинаған зейнетақы құқықтарын пайдалану мүмкіндігіне ие. PhD, ғылым кандидаты мен докторы сияқты ғылыми дәреже құжаттары өзара мойындалады.