Taobao Қазақстан нарығына ресми түрде шықты: қазақ тұтынушылары үшін жаңа мүмкіндік

12.05.2025, 16:15 kaz.365info.kz

Қытайдың жетекші интернет-сауда алаңы Taobao Қазақстандағы ресми қызметін бастады. Платформа орыс тілді мобильді қосымшасын іске қосып, жергілікті нарыққа ерекше назар аударатынын мәлімдеді. Бұл қадам қазақстандық сатып алушыларға түрлі өнімдерге оңай, тікелей қол жеткізуге жол ашады. Taobao – тек сауда алаңы ғана емес, бұл – жаңа трендтер мен шабыттың орталығы. Компанияның мәліметіне сүйенсек, Taobao мен оның серіктесі Tmall бірігіп, 2024 жылы әлемдегі ең ірі цифрлық бөлшек сауда экожүйесін қалыптастырған. «Қазақстанға келуіміз – біз үшін үлкен қадам. Біз тілді жеңілдетіп, жергілікті тұтынушыларға ыңғайлы, ашық әрі қолжетімді сауда тәжірибесін ұсынғымыз келеді. Сонымен қатар болашақта қазақ тілді нұсқасын да енгізу жоспарымызда бар», – деді Taobao Орталық Азия бойынша бөлімінің жетекшісі Кэролин Рэн. Taobao қазақстандықтар үшін ыңғайлы төлем жүйелерін де енгізіп отыр: Visa, MasterCard және Alipay International арқылы төлем жасауға болады. Платформа ҚҚС жүйесіне ресми тіркеліп, бағаның мөлдірлігін сақтап отыр. Taobao сонымен қатар логистика бойынша да белсенді жұмыс жүргізіп жатыр. Бүгінде Қазақстан бойынша 200-ден астам тапсырыс алу пункті іске қосылған, оның ішінде Алматы мен Астана қалалары қамтылған. Ең аз дегенде 99 юань (шамамен 6 990 теңге) сомасына тапсырыс берген қолданушыларға тегін жеткізу ұсынылады. Тағы бір жаңалық – Taobao қазақстандық өнімдерді де Tmall Global платформасы арқылы Қытай нарығына шығаруға ниетті. Бұл отандық өндірушілерге жаңа мүмкіндік болмақ. Мобильді қосымшаның іске қосылуына орай, Taobao арнайы жеңілдіктерді де ұсынуда. Қолданушылар кез келген 31 юаньнан жоғары сатып алуға 30 юань жеңілдік ала алады. Сонымен қатар, 200 юаньға дейінгі ваучерлер ұтысына қатысу үшін қолданушыларға арнайы жәшік ашу функциясы да ұсынылады. Taobao қосымшасын App Store және Google Play дүкендерінен жүктеп алуға болады. Қосымша ақпарат алу үшін Taobao Kazakhstan-ның Instagram және TikTok парақшаларына кіріңіз.