Жаңа пәтерлердің бағасы тағы да өсті

14.05.2025, 08:38 kaz.365info.kz

Қазақстанда жаңа тұрғын үй бағасы шарықтап барады. Әсіресе, Алматы мен Астанада баға 8 пайызға өскен. Сарапшылар бұл жағдайды құрылыс материалдарының қымбаттауымен және теңге бағамының тұрақсыздығымен байланыстырады. Жыл соңына дейін баға тағы 15–20 пайызға көтерілуі мүмкін. Қазір Алматыда бір бөлмелі пәтердің бағасы 20 миллион теңгеден басталса, орталықта — 25–30 миллион теңге. Жаңа тұрғын үй кешендері одан да қымбат. Алматы мен Астанадан бөлек, Көкшетау мен Павлодарда да баспана бағасы айтарлықтай көтерілген. Сарапшылар үйді сатып алуға ең тиімді уақыт – қаңтар-ақпан айлары дейді.