Солтүстік Аралды сақтаудың екінші кезеңі басталды: теңізді толтыруға 4-5 жыл қажет

16.05.2025, 08:02 kaz.365info.kz

Қызылорда облысындағы Көкарал бөгетінде ҚР Су ресурстары және ирригация министрі Нұржан Нұржігітов Дүниежүзілік банктің Еуропа және Орталық Азия бойынша директоры Самех Вахбамен кездесті. Кездесу барысында Солтүстік Арал теңізін сақтау жобасының екінші кезеңін іске асыру мәселелері талқыланды. Жоба аясында Көкарал бөгеті жөнделіп, теңіз деңгейі 44 метрге дейін көтерілуі тиіс. Сонымен қатар Арал ауданындағы Ақшатау мен Қамыстыбас көл жүйелерін тұрақты сумен қамтамасыз ету үшін Аманөткел маңында жаңа гидроторап салу көзделген.